[galal khalifa]

الاخوة الكرام مما لاشك فية ان الصين تدخل جميع المجالات الصناعية بقوة بحيث تمكنت في الاونة الاخيرة من احتكار الصادرات الي العالم بنسبة 66 % من الاجمالي العالمي للصادرات لجميع دول العالم . وبطبيعة الحال تمكنت الصين من محاكاة صناعة بنادق ضغط الهواء وانتجت بنادق عدة وقامت بانتاج مقلدة للانتاج الالماني وذلك لدقة وروعة وعظمة الانتاج الالماني في هذا المجال واقدم لكم شركة ينادق صينية وهي xisico
وتنتج هذة الشركة الاصناف التالية من بنادق الصيد والمسابقات
Spring Airguns - PCP Airguns - CO2 Airguns

[galal khalifa]

توضيح بسيط و هام الشركة موجودة في الولايات المتحدة الامريكية بولاية هيوستين تلك الولاية التي تحتضن مركز ناسا لابحاث الفضاء

Xisico USA, Inc.
16802 Barker Springs Rd, Suite 550
Houston, TX 77084
USA
Tel: 281-647-9130
Fax: 208-979-2848

]

[حسام عبادي]

أوافقك 100%
Xsisco إللي بتعمل الديانا الصيني
بصراحه أنا لما جبتها كان لأني كنت عايز بندقيه هاي باور على قد إمكانياتي
لكن كلام الناس خلاني كرهتها
لكن بصراحه بقالها سنه معايا ماشوفتش منها حاجه وحشه
صحيح مش ديانا ألماني لكن كأداء تقاربها فعلآ

[galal khalifa]

علي فكرة يا حسام الشركة دية جامدة جدا بس عايز اعرف سعرها كام

[طلعت بخيت بسكالس]

بص ياجلجل الموضوع ده بأه كبير الصين علي عينى وعلي راسي وهما أجتاحوا العالم فعلا أقتصاديا ولكن زي مابقول أقتصاديا ولكن نحن نعلم جيدا أن شغلة السلاح دي سر وشغف وحب دفين في قلوب الصناع والمقتنين علي حد سواء وده السر أنك بتلاقي ناس منحازة بجنون لسلاح ما وناس آخرين لسلاح آخر والصين ناس بتوع Copy وبتوع بزنس فلوس يعنى أما هذا العمق المتعلق بتقنية الأسلحة فا لسه قدامهم كتير قوي
خد مثلا اليابان بجلالة قدرها وبندقيتها الخرطوش الرائعة ميروكو . ولاااااااااااااااااااااااااااااااكن تيجي أيه في هولاند أند هولاند الأنجليزى أو بوص أو أف أن أوبرتسي وبريتا الأيطالى ............... ولاحاجة
هي اليابان سهلة ؟
طبعا لأ ونافست العالم في شتي مجالات التقدم والتكنولوجيا الأ السلاح
ورأيي الشخصي أن الصين كذلك وعندما تتخلص الصين من مرحلة قلد وأقلب بسعر رخيص للي عايز ويبدأو دراسة متأنية قد تستمر سنوات وسنوات يمكن يطلعوا بمنتج مستواه يرضى
شركات السلاح الأنجليزي والألمانى والأيطالي بتنتج وتدرس وتتطور من 150 سنة ياجماعة الخير وعندهم أسرار تتوارثها أسر بعينها ولاتخرج أسرارهم بره أسوار مصانعهم لأي سبب.
يجوز أن أكون مخطئ ولكن ده رأيى ورزقي على الله

[حسام عبادي]

طلعت باشا
أنا معاك 10000000/100 لكن إللي قصدته إن الصين بدأت تحسن التقليد إللي بتعمله
أنا بصراحه كان قبل ماأجيب الBAM b21 كان عندي صيني من العاديه
كان إسمها بندقيه بس غيرتلها سوسته بعد 3 شهور
لكن دلوقتي التقليد بقى أحسن
أنا بتكلم على جودة منتج بس مش حاجه ليها إسمها
لكن برده الBAM دي بقالها إسم لحد ما في العالم كله مش عندنا بس
صحيح سعرها قريب من ماركات معروفه زي الNorica و الGamo لكن برضه إمكانياتها مش وحشه
وعن تجربتي قاتله مع أختراق كامل حتى 30 م وماجتش فرصه أجرب على أبعد من كده ومن حيث دقة الإصابه بتضرب في دائره 10 سم علي30 م برضه
وبرضه أنا معاك إسمها صيني ومستني في أي لحظه تقل أصلها لكن الحمد لله لسه ما حصلش

وردآ على أ/جلال كنت جايبها ب1800 جنيه ممكن يكون إنضحك عليا لكن ده إللي حصل

[galal khalifa]

الاخ الكبير والعزيز طلعت
انا متفق معاك في كل الي انت قلتة بي انا عايز اوضح بعض النقاط
1- الشركة دية تخضع للمعايير الامريكية يعني ISO

2- الصين حاليا من اقوي البلاد في العالم في مجال انتاج الاسلحة بدليل ان امريكا عندها رعب اسمة الصين

3- ودية المهمة لاتوجد بندقية في العالم ليس بها عيوب علي سبيل المثال ( الديانا بها مشكلة في عدم استقرار النيشان لمدة طويلة وطبعا انا وانت ضربنا بالديانا 54 air king وشوفنا المشكلة دية - الديانا 52 بتكسر السوستة دايما -- شركة جامو عندها مشاكل في مجموعة الزناد ودة ظهر في البندقية cf 20/30 وغيرها --- شركة نوركا فيها عيوب في الدليل وبيتكسر في بعض الاحيان يعني مش ممكن يكون السلاح 100 %

4 - النقطة دية عيب فيبا في التجار الي بيدخلوا الحاجة بيجيبو ابو بلاش وفرز تاني وتالت كمان وطبعا احنا بنشرب المقلب كل مرة ويحضرني واقعتين شخصيتين

الاولي عند زيارة معرض كانتون بالصن ويعد هذا المعرض من اكبر معارض العالم في مجال التكنولوجيا جاء اليتا
مندوب شركة تاتونج الصينية وهي احد الشركات العاليمة في انتاج شاشات الكمبيوتر وهي التي تصنع الشاشات لشركة كومباك العالمية الراجل قالي حاجة غريبة جدا ((( عايز شاشة بكام يعني عايزة ب 20 دولار ماشي عايزها ب 100دولار ماش بردة طبعا الكل قالة عايزي ب 20 طبعا

الثانية لي صديق يلازمي تاريخ الميلاد والعمر واليوم من ايام الدراسة حاليا يحمل الجنسيو الامريكية مرة جاب لي كوتشي nike من امريكا ولله يا طلعت والكلام دة من 10 سنوات واكتر زي ماهوة علي الرغم من تغير بعل الجذاء مرتين بلعب بة كرة واصتاد بية وانزل بية المياة اصتاد كابوريا وزي الفل

ها تقول ان جلال مبالغ لا مش مبالغ وانا بقولك بعد 10 سنوات اواقل او اكتر ها نكون انا وانت عواجيز بجد سوف تكون الغلبة للصين في جميع المجالات وخاصة تصنيع السلاح ويمكنك الدخول الي اليوتيوب وشوف احسن 10 اسلحة 0شوف احسن 10 طائرات حربية ها تلاقي الصين فيهم

صباحو يمام وحمام وبط خضير

[m_elekiaby]

يا جماعة انا عايز الفت نظركم لشيء مهم هو ان الصين تعتبر من الكتلة الشرقية زي روسيا و البلاد دي لها تاريخ في تصنيع السلاح و الفكر واحد وكلنا مننكرش ان الكلاشنكوف الروسي اقوي الاسلحة الالية وبعدين الصين فيها كل حاجة الرديء و الممتاز المهم انت تختار اية

[mohamed anwar]

الاخوه الاعزاء بعد التحيه
في الاجازه الماضيه كونت عند صديقي نبيل فتح الله بشرب القهوه معاه وبعدين شفت بي اس عكاز رقم 2056يكون الانتاج ده علي حساب المتريكوله (رقم السلاح)من 1908 او 1909 قولته وريني البندفيه ديه كده قلي ابن حلال البندقيه ده فيها حاجه غريبه كل اجزائها سليمه لاكن مش بتعمر والمشكله كانت ان في انحناء غير ملحوظ في العتله اللي بتدفع البستم و بدون حل السلاح قمت بعدل العتله علي المنجله واشتغلت بحمد الله
رويت القصه ديه مش عشان تقييمني لا والله لاكن لربما اثبات في موضعنا

بعد 100 سنه العطل انحناء غير ملحوظ هل هذا يكفي ام تريد المزيد
لكن دعني اشرح بعض النقلط
الاسلحه الصينيه هي اسلحه منعدمه الكركتر اي ليس لها شكل تصنيعي واكبر دليل الصور المرفوعه هي والتر و اير ارمز tx200 وبنجامين وفالكونpcp وديانا 54
اذن فين هيه الاسلحه الصيني وايه الذي يميزها
لو واحد يشوف بي اس من بعيد يعرفها ولو وريت كريزما بندقيه ديانا 52 مع واحد ماشي في الشارع التاني حيعرفها
اما الصيني مش اي حد حيعرفها غير لما تمسكها وتقول لاء دي صيني
ليه لانها منعدمه الكركتر ومقلده للاسلاحه المشهوره
فكيف اقارن المقلد بالاصيل .؟
وان حبيت اقيم الصناعه الصينيه هل تقيمي حيكون للتطوير وللا للتقليد......؟

[galal khalifa]

أخويا وحبيبي محمد انور
بص ياعم الشباب والرياضة انا كتبت وقولت
((وبطبيعة الحال تمكنت الصين من محاكاة صناعة بنادق ضغط الهواء وانتجت بنادق عدة وقامت بانتاج مقلدة للانتاج الالماني وذلك لدقة وروعة وعظمة الانتاج الالماني في هذا المجال))
يعني هما ما اخترعوش حاجة جديدة لان الصناعة الصينية تقوم علي ان البداية دائما تأتي عندما ينتهي الاخرون
وبطبيعة الحال لايمكن ان نقارن بين الديانا او الويبلي او بي اس بالصناعة الصينية ولكن انا اقصد بها انهم دخلوا الي المنافسة في انتاج الاسلحة الخاصة بضغط الهواء ولو تلاحظ انهم نقلوا موديلات عالمية صورة من بالكربون

وبعدين يا باشا انت عارف اني من اصحاب المدرسة القديمة قوي التل - الفالك - الفايروخ 35