[محمد عز]

لا مشكلة ولاجريمة في حمل مسدس صوت , ولا يحتاج حمله الي ترخيص بذلك

ولمزيد من الايضاح فان المشرع - في القانون رقم 394 لسنة 1954 المعدل بشأن الاسلحة والذخائر - لم يطلق التجريم بالنسبة لأي سلاح , وإنما عمد الي تحديد أنواع الأسلحة التي تشملها دائرة التجريم علي سبيل الحصر في جداول أربعة الحقها بالقانون , وهي جدول الاسلحة البيضاء , وجدول الاسلحة النارية غير المششخنه , وجدول الاسلحة النارية , وجدول الأجزاء الرئيسية للأسلحة النارية

ويترتب علي هذا التحديد أن ما لم يرد في هذه الجداول يخرج عن نطاق التجريم , ووفقا لما جاء بالجداول الاربعة المنوه عنها بقانون الاسلحة والذخائر لا يعد سلاحا ما , الاسلحة الصوتية والضوئية , والاسلحة غير الصالحة للإستعمال بتاتا, ويهمنا في هذا الصدد بيان الاسلحة الصوتية , وهي التي لا تصلح للقتل ولا للإذاء , والتي تستعمل في التمثيل أو للابتهاج في المناسبات كمباريات كرة القدم أو الأفراح أو ما نحوها . يستوي في ذلك أن تكون هذه الاسلحة متقنة الصنع بحيث تؤدي الي تخويف من توجه نحوه , أو أن تكون غير متقنة فيمكن اكتشافها بسهولة , وترجع العلة في عدم تجريم هذه الأسلحة الي أنها لم ترد في الجداول الملحقة بالقانون., إذ أن بيان الاسلحة قد ورد علي سبيل الحصر , فلا يجوز القياس عليها أو إضافة أية أداة أخري اليها , هذا فضلا عن انتفاء حكمة التجريم حيث أن هذه الأسلحة لا تؤدي الي القتل أو الايذاء بطبيعتها


منقول من منتدى المحامون العرب- لإفادة أعضاء منتدى الصيد الكرام

[abosamer]

ممكن في التعديل القادم

[محمد عز]

ها ها ها ها
اضحك الله سنك يا أبوسمير
ليه كده بس هوا الناس ناقصة؟

[ادهم]

بارك الله فيك

[smsmn8888]

مع احترامي الذي انا اعرفة ان لو انت شايل المسدس الصوت واستخدمتة كا الحي يعني مشيت بية في الشارع وعملتليهم زعر تا في حد زادة في مشكلة ومسائلة قانونية

[محمد عز]

المشاركة الأصلية كتبت بواسطة smsmn8888

مع احترامي الذي انا اعرفة ان لو انت شايل المسدس الصوت واستخدمتة كا الحي يعني مشيت بية في الشارع وعملتليهم زعر تا في حد زادة في مشكلة ومسائلة قانونية

لو انت شايل في ايدك في الشارع خشبة مش حديدة ولا حتى مسدس وعملت قلق او زعر هيكون فيه مشكلة ومسائلة قانونية
المسدس الصوت في عربيتك او في بيتك مافيهوش مشكلة
اما لو ماشي بيه في جراب في جنبك في مكان عام او مزدحم علشان المنظرة من حق اي حد انه يوقفك ويسألك ايه اللي معاك ده لأن حمل السلاح في العلن مش مظبوط وما حدش عارف انه صوت وما حدش عارف انك (يعني اللي شايله) هتعمل بيه ايه
اما بتشوف سلاح مع مخبر او امين شرطة او ظابط نفسيتك بتكون عادية ومش بتهتم
اما لو واحد عادي ماشي ومعاه مسدس اكيد عينك هتروح عليه على طول لأنه منظر مش طبيعي
وبعدين ما حدش يقدر يأخد منك مسدس صوت لو فيه عربيتك وما عملتش بيه مشكلة لأن حكم السيارة مثل المنزل في القانون
ولو حد أخد منك المسدس الصوت بلغني واحنا نكتب عنه ونقلب لك الدنيا
وبعدين فيه مجرمين وبياعين حشيش وبلطجية وارهابيين سواء مسلمين أو مسيحيين أو يهود حتى ما هو كله بيفتي دلوقت وما حدش عارف حاجة اليومين دول - ممكن يبقى شايل السلاح برضه ما هو مواطن مصري في الاول والاخر
وممكن تحصل مشاكل كتيرة جدا
اسف على الاطالة بس المشكلة دلوقت انك بتشيل مسدس صوت للحماية او الدفاع
وهيه دي المشكلة لأن من حقك كمواطن مصري حسب الدستور انك ترخص سلاح للدفاع مش تشيل مسدس صوت لأنك مش عارف ترخص مسدس حي لصعوبة الاجراءات
يعني المشكلة ان ناس كتير مش عارفة ترخص سلاح وعندها المبررات والأملاك أو طبيعة العمل تؤهلها لكده ولكن الاجراءات والتحريات واجراءات الأمن مفرملة ده كله
الأمن بصراحة عنده حق نسبيا انه يقلل السلاح لأن الناس عمالة تموت أهلها بالاسلحة المرخصة ياريت بيموتوا بعض في خناقة في الشارع
وبعدين فيه مشكلة عندهم ان السلاح الألي والسلاح المهرب وغير المرخص بقى زي الموبايل موجود في يد الجميع مع الاعتذار لموبينيل في وقت لو رخصوا للناس حيبقى فيه التزام على الاقل هيعرفوا مين موت مين وكل الاسلحة هترخص
بس المشكلة ان البلد في مرحلة انتقالية دلوقت وحساسة وربنا يحافظ على كل المصريين
الموضوع ده انا كتبته (نقلته) للمنتدى عشان لو حد عنده شك في قانونية حمل مسدس الصوت يبقى عارف حقه
مع تحياتي لك ولكل أعضاء المنتدى الكرام

[كريم الشامي]

انتا عندك حق في كتابتك دي و ربنا يجزيك خير و يكرم كل انسان بيحاول يوضح الامور للناس و لو اننا فعلا في مصر بنعاني من موضوع ترخيص السلاح فعلا!

[المستشار]

سيدى الفاضل اسمح لى ان اوضح نقطه حضرتك جردت مسدس الصوت من دائره التجريم بمفهوم المخالفه ولكن بالرجوع لنصوص القانون وبدراسه الماده الاولى من ذاك القانون يتضح لك ان تعريف السلاح هو الذى صنع بذاته للقتل والجرح اما ما يكون استخدامه للبهجه يخرج عن دائره السلاح وهذا ما ينطبق على مسدس الصوت ولكن يدخل دائره التجريم اذا استعمل استعمال يشكل بدوره جريمه مثل الارهاب او التهديد او الازعاج ولك تحياتى ولكل اعضاء المنتدى ارق امنياتى وشكرا

[smsmn8888]

الف مليون شكراا للتوضيح بجد كويس انك تعرف حقوقك في البد دي بس صعب انك تحصل علية

[galal khalifa]

رئيس التحرير هو دا الي احنا عايزنة انت راجل سلطة رابعة في البلد ومطلوب منك تنوير الناس الله يفتح عليك ويجزيك خيرا ان شاء الله